224 QUI FACTI SUNT EX MORTALIBUS IMMORTALES Hyg. fab. 224

1Hercules Iovis et Alcumenae filius; Liber Iovis et Semelae filius; Castor et Pollux Helenae fratres, Iovis et Ledae filii.

2 Perseus Iovis et Danaes filius in stellas receptus; Arcas Iovis et Callisto filius in stellas relatus; Ariadnen Liber pater Liberam appellavit, Minois et Pasiphaes filiam;

3 Callisto Lycaonis filia in Septentrionem relata; Cynosura Iovis nutrix in alterum Septentrionem; Crotos Panis et Euphemes filius conlactius Musarum in stellam Sagittarium; Icarus et Erigone Icari filia in stellas, Icarus in Arcturi, Erigone in Virginis signum;

4 Ganymedes Assaraci filius in Aquario duodecim signorum; Myrtilus Mercurii et Theobules filius in Heniocho.

5 Asclepius Apollinis et Coronidis filius; Pan Mercurii et Penelopes filius; Ino Cadmi filia in Leucotheam, quam nos matrem Matutam dicimus; Melicertes Athamantis filius in deum Palaemonem.